DÜNYA


Misirə gələnlər üçün COVID-19 pandemiyası ilə bağlı bütün məhdudiyyətlər ləğv edilib

Qahirə, 18 iyun, AZƏRTAC

Misir hökuməti ölkənin hava və quru limanlarından ölkəyə gələn vətəndaşlar və əcnəbilər üçün bütün COVID-19 məhdudiyyətlərini ləğv edib.

AZƏRTAC Misir hökumətinin bəyanatına istinadla xəbər verir ki, bundan sonra ölkəyə gələnlərdən PCR testinin neqativ nəticəsi və ya vaksin sertifikatı tələb edilməyəcək. Nazirlər Kabineti qlobal miqyasda və ölkə daxilində COVID-19-a yoluxma sayının kəskin azalması ilə əlaqədar məhdudiyyətlərə gərək qalmadığını bəyan edib.

Hökumətin bəyanatında qeyd olunub ki, Ukraynada müharibə ilə bağlı Misirin kurortlarına əcnəbi turist axınının zəifləməsi iqtisadiyyata ciddi zərər verir. Hazırda pandemiya ilə bağlı məhdudiyyətlərin ləğvi ilə yanaşı, başqa ölkələrdən daha çox turist cəlb edilməsi üçün təcili tədbirlər görülür.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.