DÜNYA


Misirin qadın naziri COVID-19-a yoluxub

Qahirə, 22 fevral, AZƏRTAC

Misirin Ticarət və Sənaye Nazirliyinin mətbuat xidməti nazir Nevin Gameanın COVID-19-a yoluxduğu və öz fəaliyyətini evdən davam etdirəcəyi barədə məlumat yayıb.

Qadın nazirin səhhətinin yaxşı olduğu və yaxın həftələrdə işə çıxacağı bildirilir. Nevin Gamea hökumətin ən mühüm layihələrinin təşəbbüskarı və icraçısıdır.

Misirdə hər gün COVID-19-a orta hesabla 600 yoluxma və 60 ölüm faktı qeydə alınır. İndiyədək bu ölkədə yeni növ koronavirusa 178 min 500 insan yoluxub, 10 min 353 nəfər isə həyatını itirib. Misirin səhiyyə naziri Halə Zayid bu həftədən etibarən COVID-19 əleyhinə peyvəndləmə kampaniyasının başlandığını elan edib. Onun sözlərinə görə, artıq müxtəlif şirkətlərdən 100 milyon doza peyvənd sifariş edilib. Sifariş olunan AstraZeneca, Sinopharm və Sputnik-V peyvəndlərinin bir hissəsi Misirə gətirilib.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.