DÜNYA


Misirli sülhməramlılar Malidə minaya düşüblər

Qahirə, 6 iyul, AZƏRTAC

BMT-nin Malidəki sülhməramlı kontingentinə (MINUSMA) məxsus olan avtomobilin minaya düşərək partlaması nəticəsində iki misirli əsgər həlak olub, 5-i ağır yaralanıb.

AZƏRTAC Misirin “Əl Əhram” nəşrinə istinadla xəbər verir ki, Malinin Tessalio rayonunda hərəkət edən avtomobil konvoyu hökumətə qarşı döyüşən silahlı qruplaşmanın basdırdığı minaya düşüb. Partlayan avtomobildə olanların hamısı Misir əsgərləri olub.

2013-cü ildə Maliyə göndərilmiş və tərkibində əsasən Şimali Afrika ölkələrinin əsgərləri olan BMT-nin sülhməramlı kontingentinin indiyədək 271hərbçisi həlak olub. Cəmi 13 280 əsgərdən ibarət olan bu missiyanın mandatı 2023-cü ilin avqustunda başa çatır.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.