SİYASƏT


Misirli tədqiqatçı fransız mütəfəkkirlərin ermənilərin miskin xisləti haqqında fikirlərindən yazıb

Qahirə, 22 oktyabr, AZƏRTAC

Misirli yazıçı və tədqiqatçı, “Qarabağ: Qafqazda sülhə aparan yol” kitabının müəllifi Əhməd Abdo Tərabik “Alwasela” qəzetində dərc etdirdiyi məqaləsində görkəmli fransız yazıçı və diplomatların ermənilərin miskin və məkrli xisləti haqqında fikirlərini paylaşıb. Bu gün erməni lobbisinin təsiri altında olan Fransa hökumətinin Azərbaycana və Türkiyəyə qarşı ədalətsiz mövqedən çıxış etdiyini vurğulayan tədqiqatçı Misir ictimaiyyətini fransız mütəfəkkirlərin “əzabkeş xalq” barədə söylədikləri ilə tanış edir.

AZƏRTAC xəbər verir ki, məqalə görkəmli fransız yazıçısı Aleksandr Dümanın (ata) ermənilər haqqında yazdığı sözlərlə başlayır: “Ermənilər həmişə başqa dinə qulluq edən hökmdarların hakimiyyəti altında olublar. Nəticədə öz fikir, niyyət və duyğularını gizli saxlayan, hiyləgər və kələkbaz adamlara çevriliblər”.

Tərabik yazır ki, XIX əsr fransız səyyahı Arman Pyer de Şölye ermənilər haqqında deyib: “...Mən onlarla (ermənilərlə) heç zaman dil tapa bilmədim. Onların hiyləgərliyi olduqca iyrənc, alçaqlığı olduqca dözülməz, əclaflığı olduqca təəssüfləndiricidir”.

Məqalədə qeyd olunub ki, Fransanın Qafqaz üzrə ali komissarı Damien de Martel 1920-ci ilin iyul hadisələri zamanı Fransa Xarici İşlər Nazirliyinə göndərdiyi məktubda qeyd edib: “…Hərbi əməliyyatlara gəlincə, Ermənistandan yenicə qayıtmış şahidlərdən əməliyyatların necə aparıldığına dair bir sıra məlumatlar əldə etmişəm. İyun ayının axırlarında erməni qoşunları 40 mindən çox azərbaycanlının yaşadığı İrəvanın cənubundakı 25 kəndi mühasirəyə alıblar. Paytaxta yaxın ərazidə yaşayan və hansısa müstəqillik iddiasında olmayan bu sülhpərvər əhali həmişə sakit həyat tərzi sürüb. Onları top atəşləri ilə yaşadıqları kəndlərdən qovaraq Araz çayına töküblər. Boşalan kəndləri isə qısa müddətdə gəlmə ermənilər işğal edib. Bu hadisə zamanı erməni əsgərlər tərəfindən qadın və uşaqlar da daxil olmaqla 4 min azərbaycanlı Araz çayına atılaraq öldürülüb”.

Müəllif fransız alimi De Banın erməni kilsəsinin bir müddət saxta pul düzəldənlərin yuvası olması, Xocalı qırğınının şahidi olmuş fransız jurnalist Jan-İv Yunetin ermənilərin dinc azərbaycanlılara qarşı törətdikləri vəhşiliklər, tədqiqatçı Maksim Qoenin qondarma “erməni məsələsi” ilə bağlı 1919-1921-ci illərdə keçirilən beynəlxalq məhkəmədə erməni yalanlarının ifşa olunması haqqında sitatlarını da təqdim edib.

 

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.