REGİONLAR


Mobil qruplar Sumqayıt əhalisi arasında maarifləndirmə tədbirləri həyata keçirir

Sumqayıt, 11 iyul, Ətrabə Rzayeva, AZƏRTAC

Nazirlər Kabinetinin müvafiq qərarına əsasən sərtləşdirilmiş xüsusi karantin rejiminin tətbiq olunduğu Sumqayıt şəhərində Operativ Qərargah tərəfindən müəyyən edilən tələb və qaydaların təmin olunması üçün ciddi nəzarət tədbirləri həyata keçirilir. Tədbirlər çərçivəsində şəhərdə mobil qruplar yaradılıb. Onlar əhali arasında maarifləndirmə tədbirləri həyata keçirir.

Sumqayıt Şəhər İcra Hakimiyyətindən AZƏRTAC–a bildirilib ki, hüquq-mühafizə orqanlarının, şəhər bələdiyyəsinin, Sumqayıt Şəhər Mənzil Kommunal İdarəsinin və digər qurumların əməkdaşlarından ibarət mobil qruplar şəhər ərazisində sərt karantin rejiminin tələblərinin icrasına nəzarət edir. İnsanların qaydalara əməl etməsi ilə bağlı çağırışlar olunur.

Mobil qruplar şəhər ərazisində fəaliyyət göstərən marketlərdə, apteklər, eləcə də məhəllədaxili ərazilərdə insanlarla maarifləndirmə işləri həyata keçirir, SMS icazənin olub-olmaması yoxlanılır. Mobil qruplar, eyni zamanda bulvar ərazisində də mütəmadi olaraq reydlər keçirir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.