SİYASƏT


Moldova portalında Azərbaycanın Kəlbəcər rayonunun Ermənistan tərəfindən işğalından bəhs edən məqalə dərc olunub

Kişineu, 3 aprel, AZƏRTAC

Moldovanın tribuna.md informasiya portalında Azərbaycanın Kəlbəcər rayonunun 1993-cü il aprelin 2-də Ermənistan tərəfindən işğalına dair məqalə dərc edilib.

AZƏRTAC-ın məlumatına görə məqalədə moldovalı jurnalist Kəlbəcər rayonu ilə bağlı oxuculara ətraflı məlumat verir. Bildirir ki, əhalisinin sayı təxminən 70 min olan Kəlbəcər rayonunun işğalı nəticəsində 511 nəfər həlak olub, 321 nəfər itkin düşüb və girov götürülüb, 53 mindən çox insan öz dədə-baba yurdlarına məcburi tərk edib.

Məqalədə vurğulanır ki, BMT Təhlükəsizlik Şurası 822 saylı Qətnamə qəbul edib. Qətnamədə bütün işğalçı qüvvələrin Kəlbəcər və Azərbaycanın digər işğal olunmuş rayonlarından dərhal çıxarılması tələb olunur. Lakin indiyədək həmin qətnamədən irəli gələn hər hansı öhdəlik yerinə yetirilməyib.

Kəlbəcərin tarixi haqqında yazan müəllif, həmçinin orada mövcud olan tarixi-mədəni abidələrin ermənilər tərəfindən dağıdıldığını qeyd edir.

 

Emil Hüseynli

AZƏRTAC-ın xüsusi müxbiri

Kişineu

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.