DÜNYA


Moldovada fövqəladə vəziyyət rejimi uzadılıb

Moldovada fövqəladə vəziyyət rejimi uzadılıb

Kişineu, 1 dekabr, AZƏRTAC

Moldova Parlamenti enerji sektorundakı böhranla əlaqədar fövqəladə vəziyyət rejimini daha 60 gün uzadıb.

AZƏRTAC Moldova KİV-nə istinadla xəbər verir ki, parlamentdə 55 deputat hökumətin tələbini dəstəkləyib.

Baş nazir Nataliya Qavrilitsa deputatlar qarşısında çıxış edərək noyabrın 15-də və 23-də Rusiyanın Ukraynanın infrastrukturunu kütləvi şəkildə atəşə tutması səbəbindən elektrik enerjisinin kəsilməsini xatırladıb.

Nataliya Qavrilitsa deyib ki, Moldovada fövqəladə hadisə olmasaydı, hakimiyyət elektrik enerjisinin kəsilməsinə tez reaksiya verə, Rumıniyadan elektrik idxal edə və böhranların öhdəsindən gələ bilməyəcəkdi.

"İndi siyasi mübahisələrin və ya populist ritorikanın vaxtı deyil. Mən təsdiq edirəm ki, hökumət öz səlahiyyətlərini aşmayıb. Hökumət və Fövqəladə Hallar Komissiyası şəffaf fəaliyyət göstərib, Moldovada böhranların aradan qaldırılması üçün tədbirlər görülüb", - Baş nazir bildirib.

 
Emil Hüseynli

AZƏRTAC-ın xüsusi müxbiri

Kişineu

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.