DÜNYA


Moqadişo şəhərindəki otelə hücumda ittiham olunan üç nəfər edam edilib

Bakı, 10 iyul, AZƏRTAC

2017-ci ildə Somalidəki otellərdən birinə hücumda təqsirkar bilinən üç nəfər paytaxt Moqadişoda edam edilib.

AZƏRTAC Associated Press agentliyinə istinadla xəbər verir ki, edam edilən hər üç şəxsin “Əl-Qaidə” şəbəkəsi ilə əlaqəli olan “Əş-Şəbab” qruplaşmasının üzvü olduğu bildirilir.

Xatırladaq ki, 2017-ci il oktyabrın 28-də bomba yüklənmiş avtomobil Moqadişonun mərkəzində - Prezident Sarayından 600 metr məsafədə yerləşən “Nasa-Hablod” oteli yaxınlığında partladılıb. Bundan sonra silahlılar otel binasına soxularaq atəş açmağa başlayıb. Bir neçə dəqiqədən sonra Somali parlamentinin köhnə binası yaxınlığında daha bir partlayış törədilib. Hücumlar nəticəsində 18 nəfər həlak olub, 47 nəfər isə yaralanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.