ELM VƏ TƏHSİL


Moskva İslam İnstitutunun rektoru azərbaycanlı həmkarının müraciətinə cavab məktubu göndərib

Bakı, 16 oktyabr, AZƏRTAC

Rusiya Federasiyası Müsəlman Ruhani İdarəsi sədrinin birinci müavini, Moskva İslam İnstitutunun rektoru Demir Muxetdinov Azərbaycan İlahiyyat İnstitutunun (Aİİ) rektoru Aqil Şirinovun Qarabağ həqiqətlərini özündə əks etdirən müraciətinə cavab məktubu göndərib.

Bu barədə AZƏRTAC-a Aİİ-dən məlumat verilib. Məktubda deyilir:

“Son həftələrdə bütün beynəlxalq ictimaiyyətin diqqəti Dağlıq Qarabağ regionunda baş verən hadisələrə yönəlib. Biz sülh və dialoq tərəfdarı olaraq, münaqişənin ölkələrin ərazi bütövlüyü prinsiplərinə və beynəlxalq səviyyədə qəbul edilmiş akt və sənədlərə uyğun surətdə diplomatik yolla həll olunmasını istəyirik.

Narahat olduğumuz əsas məqam isə ərazi münaqişəsinin dini münaqişə kimi qələmə verilməsidir ki, bu, qətiyyən doğru deyildir. Hesab edirik ki, Dağlıq Qarabağdakı müharibənin müsəlman-xristian davası olmadığını daha geniş ictimaiyyətə çatdırmaq bizim borcumuzdur və məsələyə bu cür yanaşma münaqişənin dərinləşməsinə, həmçinin yeni ölümlərə gətirib çıxara bilər.

Biz insanların həyatının qorunması və danışıqların bərpa edilməsi üçün dua edirik. Ölkəmiz, xalqlarımız arasında dostluq və əməkdaşlıq münasibətlərinin inkişafı naminə dualarımı qəbul edin”.

Qeyd edək ki, Azərbaycan İlahiyyat İnstitutunun rektoru Aqil Şirinov əməkdaşlıq etdiyi xarici ölkə universitetlərinin rektorlarına, eləcə də İslam dünyasında tanınmış ali təhsil müəssisələrinin və ali dini təhsil ocaqlarının rəhbərlərinə Ermənistanın sentyabrın 27-dən Azərbaycana qarşı başladığı növbəti hərbi təxribatı ilə bağlı müraciət ünvanlayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.