DÜNYA


Moskva bazarlarında qanunsuz miqrantlara qarşı reydlər aparılır

Moskva, 12 mart, AZƏRTAC

Rusiya polisi Moskvanin ən böyük topdan və pərakəndə satış mərkəzi olan “Fud Siti”də reyd keçirir.

AZƏRTAC xəbər verir ki, martın 12-də səhər Rusiya Federal Milli Qvardiyasının əsgərləri “Fud Siti” bazarının ərazisini mühasirəyə alıblar. Mərkəzin ərazisində axtarışlar aparılır, burada işləyənlərin sənədləri yoxlanılır.

Rusiya hüquq mühafizə orqanlarından bildiriblər ki, reyd miqrasiya qanunvericiliyinin pozulması hallarının aşkar edilməsi, habelə bazarda işləyən şəxslərin müxtəlif cinayətlərlə əlaqəsinin olub-olmamasının yoxlanılması məqsədilə aparılır.

Qeyd edək ki, martın 11-də Moskvanın daha iki ticarət obyektində - “Moskva” ticarət mərkəzində və “Sadovod” bazarında da reydlər keçirilib. Bu obyektlərdə bir neçə miqrantın saxlanıldığı bildirilir.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.