DÜNYA


Moskva meri məsafədən iş rejiminə qayıtmağı tövsiyə edir

Moskva, 25 sentyabr, AZƏRTAC

Moskva meri Sergey Sobyanin idarə və müəssisə rəhbərlərinə əməkdaşların əksəriyyətini məsafədən iş rejiminə keçirməyi məsləhət görüb.

AZƏRTAC xəbər verir ki, Rusiya paytaxtında koronavirus infeksiyasının yenidən sürətlə yayılması səbəbindən mer Sergey Sobyanin idarə, təşkilat və müəssisə rəhbərlərinə işçilərinin əksəriyyətini məsafədən iş rejiminə keçirməyi məsləhət görüb.

Mer, həmçinin sanitar-epidemioloji qaydalara ciddi riayət olunmasına nəzarəti gücləndirməyi, qoruyucu vasitələrdən istifadə etməyi, sosial məsafə gözləməyi tapşırıb, yaşı 65-dən yuxarı olan moskvalılara sentyabrın 28-dən məsafədən iş rejiminə keçməyi və ya məzuniyyət götürməyi, ehtiyac olmadan evlərini tərk etməməyi tövsiyə edib. O vurğulayıb ki, bu ilin yazında tətbiq olunan sərt karantin rejiminə qayıtmamaq üçün bu qaydalara mütləq riayət olunmalıdır.

Qeyd edək ki, sentyabrın 24-də Moskvada iyunun sonlarından sonra ilk dəfə bir gündə aşkar edilən COVID-19 xəstələrinin sayı 1000 nəfəri ötüb.

 

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.