Azərbaycan Dövlət İnformasiya Agentliyi

RƏSMİ SƏNƏDLƏR

Moskva şəhərinin Qərb inzibati dairəsində Azərbaycanlıların Milli-Mədəni Muxtariyyətinin sədri Əli Kazımovdan

Azərbaycan Respublikasının Prezidenti Zati-aliləri cənab İlham Əliyevə

Zati-aliləri.

Əlamətdar yubileyiniz münasibətilə Sizə böyük məmnuniyyətlə səmimi təbriklərimi və ən xoş arzularımı çatdırıram.

Siz ulu öndər Heydər Əliyevin layiqli davamçısı olaraq Azərbaycan Respublikasının dəyərli Prezidenti kimi vəzifənizi şərəflə yerinə yetirirsiniz. Bu tarixi missiyanı müvəffəqiyyətlə davam etdirməyiniz üçün Sizə uğurlarla dolu daha neçə-neçə illər arzulayıram.

Cənab Prezident, qələbələrinizin təsdiqi bu gün Azərbaycanda gördüklərimizdir. Azərbaycan çox böyük inkişafa nail olmuşdur. Bir tərəfdən, ölkədə çoxpartiyalı siyasi sistem formalaşmış, digər tərəfdən isə iqtisadi və sosial baxımdan sürətli inkişaf əldə edilmişdir. Azərbaycanı 20 il əvvəl və indi görən insanlar inkişafın fərqindən heyrətlərini gizlətmirlər. Bu, Sizin parlaq nailiyyətlərinizin nəticəsidir.

Hörmətli cənab Prezident, Siz möhtəşəm nəticələrə imza atan, xalqımızın rifahı, xoşbəxtliyi, ən əsası, dünya azərbaycanlılarının birliyi üçün çalışan nüfuzlu Lidersiniz. Azərbaycanın Prezidenti, Ali Baş Komandanı olaraq Sizin uğurlu siyasətiniz sayəsində 44 günlük Vətən müharibəsində müzəffər Ordumuz tarixi Zəfər qazandı. Bir şəhid qardaşı olaraq bu şanlı Zəfərin sevincini yaşamaqdan mən və ailə üzvlərimiz qürur duyuruq.

Sizə Azərbaycanımıza və xalqımıza xidmət işində yeni qələbələr arzulayıram.

Yaşasın Azərbaycan Prezidenti!

Hörmətlə,

 

Əli Kazımov

Moskva şəhərinin Qərb inzibati dairəsində Azərbaycanlıların Milli-Mədəni Muxtariyyətinin sədri

Xəbəri sosial şəbəkələrdə paylaşın

Bizi sosial şəbəkələrdə izləyin