İQTİSADİYYAT


Moskvada “Azərbaycanın payız nemətləri” festivalı keçiriləcək

Moskva, 15 oktyabr, AZƏRTAC

Heydər Əliyev Fondu və Azərbaycanın Rusiyadakı səfirliyi oktyabrın 17-dən 21-dək Moskvanın Tverskoy meydanında “Azərbaycanın payız nemətləri” festivalı təşkil edəcəklər.

Səfirliyin mətbuat xidmətindən AZƏRTAC-a bildiriblər ki, festivala gələnlər rəngarəng ərzaq çeşidləri və suvenirlər almaq, müxtəlif usta dərslərində iştirak etmək, fotosərgi ilə tanış olmaq, yaradıcı kollektivlərin çıxışlarına baxmaq və peşəkar aşpazlardan milli xörəklərin hazırlanması sənətini öyrənmək imkanı əldə edəcəklər. Tədbirin qonaqları ənənəvi Azərbaycan mətbəxinin nümunələrinin dadına da baxa biləcəklər.

“Azərbaycanın payız nemətləri” festivalı Moskva Hökuməti və Azərbaycan Respublikasının Rusiya Federasiyasında Ticarət Nümayəndəliyinin dəstəyi ilə keçirilir.

Festivalda, həmçinin “FoodSity”, “Azərçay” kimi şirkətlər, “Bakinski bulvar” restoranı iştirak edəcəklər.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.