İQTİSADİYYAT


Moskvada “Rusiya energetika həftəsi” Beynəlxalq Forumu keçiriləcək

Moskva, 1 oktyabr, AZƏRTAC

Oktyabrın 3-dən 6-dək Moskvada “Rusiya energetika həftəsi” Beynəlxalq Forumu keçiriləcək.

Forumun mətbuat mərkəzindən AZƏRTAC-ın müxbirinə bildiriblər ki, tədbirdə Azərbaycanın energetika naziri Pərviz Şahbazovun rəhbərliyi ilə nümayəndə heyətinin iştirak edəcəyi gözlənilir.

Forumun ilk günü dünyanın 30-dan çox ölkəsinin energetika nazirlərinin iştirakı ilə “Yanacaq-energetika kompleksinin səmərəli tənzimlənməsi: ümumi yanaşma və ölkələrin fərqi” mövzusunda sessiya təşkil olunacaq. Azərbaycanın energetika naziri Pərviz Şahbazovun sessiyada çıxışı gözlənilir. Dünya Energetika Şurasının katibi Kristofer Frayın moderatorluğu ilə keçiriləcək sessiya dünya ölkələrinin energetika sahəsində dövlət siyasəti məsələlərinə həsr olunacaq.

Sessiya çərçivəsində nazirlər investisiya cəlbediciliyi, energetika təhlükəsizliyi, büdcə səmərəsi baxımından energetika sahəsinin tənzimlənməsi istiqamətində təcrübə mübadiləsi aparacaqlar.

“Rusiya energetika həftəsi” 2017-ci ildən keçirilir. Ötən il forumda 94 ölkədən 10 mindən çox adam iştirak etmişdi.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.