ELM VƏ TƏHSİL


Moskvada azərbaycanlı əlaçı tələbələrin qurultayı keçirilmişdir

Bakı, 18 fevral (AZƏRTAC). Azərbaycan Mədəniyyətinin İnkişaf və Dirçəliş Fondunun (AMİDF) təşkilatçılığı ilə Moskvanın nüfuzlu ali təhsil müəssisələrindən olan Rusiya Xalqlar Dostluğu Universitetində (RXDU) azərbaycanlı əlaçı tələbələrin qurultayı keçirilmişdir.

Qurultayda AMİDF-nin təqaüdünə iddiaçı olan 40-dək tələbə iştirak etmişdir. Tədbiri RXDU-nun Azərbaycan Həmyerlilər Birliyinin prezidenti Binnət Binnətov açmışdır. Moskvanın müxtəlif ali təhsil müəssisələri tələbələrini maraqlandıran suallar cavablandırılmış, onlara fondun təqaüdünü almaq qaydaları izah edilmişdir.

Fondun direktoru Şamil Tağıyev azərbaycanlı əlaçı tələbələrə gələcəkdə uğurlar arzulamış, bütün iştirakçılara təşəkkürnamə və fəxri fərmanlar təqdim etmişdir.

Hazırda Moskvada on minlərlə azərbaycanlı gənc təhsil alır. Biliklərə yiyələnməyə səy göstərən tələbələri dəstəkləmək olduqca vacibdir.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.