MƏDƏNİYYƏT


Moskvada ilk dəfə “Leyli və Məcnun” operası nümayiş etdiriləcək

Bakı, 24 avqust, AZƏRTAC

Moskvalı tamaşaçılar dahi bəstəkar Üzeyir Hacıbəylinin XVI əsr Azərbaycan poeziyasının klassiki Məhəmməd Füzulinin eyniadlı poeması əsasında yazdığı “Leyli və Məcnun” operasına baxmaq imkanı qazanacaqlar. Tədbirin təşkilatçısı Azərbaycan Mədəniyyət Studiyasıdır (AzStudia).

Studiyadan AZƏRTAC-a bildirilib ki, əsərin premyerası oktyabrın 16-da “Crocus City Hall”un konsert zalında olacaq. Baş rolları Azərbaycanın Xalq Artisti Mənsum İbrahimov və gənc vokalçı Arzu Əliyeva ifa edəcək. Operanın quruluşçu rejissoru Azərbaycanın Əməkdar İncəsənət Xadimi Hafiz Quliyev, quruluşçu rəssamı Xalq Rəssamı Rafiz İsmayılov, xormeysteri Sevzixan Serderov, baletmeysteri Yuliana Əlikişizadədir.

Azərbaycanda ilk dəfə 1908-ci ildə səhnəyə qoyulan “Leyli və Məcnun” həmin vaxtdan etibarən opera sənətinin daim arzulanan repertuar əsərlərindən birinə çevrilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.