DÜNYA


Moskvada yeni məhdudiyyətlər tətbiq olunacaq

Moskva, 19 oktyabr, AZƏRTAC

Moskvada koronavirusun sürətlə yayılması ilə əlaqədar yeni məhdudiyyətlər tətbiq olunacaq.

AZƏRTAC xəbər verir ki, bu barədə Moskva meri Sergey Sobyanin məlumat verib.

2021-ci il oktyabrın 25-dən 2022-ci il fevralın 25-dək Rusiya paytaxtında bir sıra müəssisə və təşkilatlar, o cümlədən tibb müəssisələri istisna olmaqla əməkdaşların 30 faizi distant rejimə keçiriləcək. Yaşı 60-dan çox olan və xroniki xəstəliklərdən əziyyət çəkən moskvalılar özünütəcrid rejiminə keçəcək. Bu məhdudiyyətlər koronavirusdan peyvənd olunmamış paytaxt sakinlərinə aiddir.

Bundan əlavə, xidmət sahələrinin əməkdaşlarının azı 80 faizi dekabrın 1-dək koronavirusa qarşı peyvəndin birinci dozasını qəbul etməlidirlər.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.