DÜNYA


Mostar körpüsü Avropanın ən möhtəşəm körpüləri siyahısında qərarlaşıb

Sarayevo, 16 may, AZƏRTAC

Bosniya və Herseqovinanın simvolik tikililərindən hesab olunan Mostar körpüsü Avropanın ən möhtəşəm körpüləri siyahısında yer alıb.

AZƏRTAC xəbər verir ki, Bosniya və Herseqovinada Osmanlı dövrünə aid ən mühüm abidələrdən olan Mostar körpüsü İspaniyanın nüfuzlu “El Pais” qəzetinin hazırladığı “Avropanın ən möhtəşəm körpüləri” siyahısında 4-cü sırada qərarlaşıb.

Bu tarixi körpü Memar Sinanın şagirdi Memar Xeyrəddin tərəfindən 1566-cı ildə inşa edilib. Neretva çayı üzərində salınan Mostar körpüsü 1993-cü ildə barbarlığın simvoluna çevrilib və Bosniya müharibəsi zamanı Xorvatiya ordusu tərəfindən dağıdılıb. Sonralar körpünün yenidən tikilməsi üçün layihə hazırlanıb, 2004-cü ildə körpü bərpa olunaraq istifadəyə verilib. Körpü hazırda keçmiş şöhrətini bərpa edib.

Mostar körpüsü qədim Mostar şəhəri ilə birlikdə 2005-ci ildə UNESCO-nun Ümumdünya İrsi Siyahısına salınıb.

Nihad Budaqov

AZƏRTAC-ın xüsusi müxbiri

Sarayevo

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.