MƏDƏNİYYƏT
Moulaye Koulibali: Azərbaycanda tarixi və mədəniyyət abidələrinin qorunmasına xüsusi diqqət və qayğı göstərilir VİDEO
Bakı, 1 iyul, AZƏRTAC
Azərbaycanın UNESKO-nun mötəbər tədbirinə ev sahibliyi etməsi dövlətinizin tarixi və mədəniyyət abidələrinin qorunmasına göstərdiyi xüsusi diqqət və qayğının nəticəsidir.
Bu fikri AZƏRTAC-a müsahibəsində UNESKO-nun Ümumdünya İrs Komitəsinin 43-cü sessiyasına qatılan Mali Respublikasının Mədəniyyət nazirliyinin yanında mədəni irsin qorunması üzrə idarənin direktoru Moulaye Koulibali deyib.
“İlk dəfədir ki, Azərbaycanda belə bir qlobal əhəmiyyətli tədbirdə iştirak edirəm. Azərbaycanın beynəlxalq tədbirlərə uğurla ev sahibliyi etməsi barədə məlumatlı idik. İndi isə bunun canlı şahidi olduq. Dünyanın 180-dək ölkəsindən 3 minə yaxın nümayəndəsini bir araya toplayan Ümumdünya İrs Komitəsinin 43-cü sessiyası çox yüksək səviyyədə təşkil olunub,” – deyə M.Koulibali vurğulayıb.