Mövlud Çavuşoğlu: Azərbaycanla münasibətlərimiz ən yüksək zirvəyə yüksəlib VİDEO

Ankara, 29 dekabr, AZƏRTAC

Azərbaycanın öz ərazilərindəki təbii sərvətlərinə sahib çıxması tam şəkildə qəbul ediləndir. Hər sahədə olduğu kimi bu məsələdə də Azərbaycanın yanındayıq. Ermənistanla normallaşma prosesini Azərbaycanla məsləhətli qaydada davam etdiririk.

AZƏRTAC xəbər verir ki, bu fikirləri Türkiyənin xarici işlər naziri Mövlud Çavuşoğlu Ankarada keçirdiyi mətbuat konfransında ifadə edib.

Türkiyə, Azərbaycan və Türkmənistan Dövlət Başçılarının Birinci Üçtərəfli Zirvə Görüşünü, eləcə də Türkiyə-Azərbaycan-Qazaxıstan, Türkiyə-Azərbaycan-Özbəkistan nazirlər toplantılarını tarixi proses kimi dəyərləndirən nazir Mövlud Çavuşoğlu deyib ki, Can Azərbaycanla münasibətlərimiz mümkün olan ən yüksək zirvəyə yüksəlib.

Sabir Şahtaxtı

AZƏRTAC-ın xüsusi müxbiri

Ankara