DÜNYA


Mövlud Çavuşoğlu: İraq PKK-dan tam təmizlənənədək lazımi tədbirlər davam edəcək

İstanbul, 6 iyul, AZƏRTAC 

Türkiyə ilə ABŞ-ın hərbi birləşmələrinin Suriyanın Münbiç bölgəsində həyata keçirdiyi xüsusi antiterror əməliyyatı qrafikə uyğun davam edir. Əməliyyat nəticəsində YPG/PKK terror təşkilatı bölgədən çəkilib. Münbiç terrorçulardan təmizlənəndən sonra əməliyyatlar başqa bölgələrə keçiriləcək.

AZƏRTAC xəbər verir ki, bu barədə Türkiyənin xarici işlər naziri Mövlud Çavuşoğlu Anadolu agentliyinə müsahibəsində məlumat verib. Nazir vurğulayıb ki, İraq PKK-dan tam təmizlənənədək lazımi tədbirlər davam edəcək.

Nazir, həmçinin iyunun 24-də ölkədə keçirilmiş növbədənkənar prezident və 27-ci çağırış parlament seçkilərinin nəticələri, Avropa Birliyi ilə münasibətlər, ABŞ-ın bölgə dövlətləri ilə bağlı qərarları, həmçinin Türkiyənin Rusiyadan almaq istədiyi “S-400” müdafiə sistemi və s. məsələlərə dair sualları cavablayıb.

Terrorçuluqla mübarizədə qətiyyətli olduqlarını diqqətə çatdıran Mövlud Çavuşoğlu bildirib ki, PKK terror təşkilatının simvollarının təbliğini qadağan edən qanun layihəsi Türkiyə Böyük Millət Məclisinin müzakirəsinə çıxarılacaq.

Sabir Şahtaxtı

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.