DÜNYA


Mövlud Çavuşoğlu: Türkiyə ABŞ sanksiyalarını cavabsız qoymayacaq

Bakı, 16 oktyabr, AZƏRTAC

Ankara Suriyada aparılan əməliyyatlarla əlaqədar ABŞ-ın tətbiq edəcəyi bütün sanksiyalara cavab verməyə hazırdır.

AZƏRTAC Türkiyənin NTV telekanalına istinadla xəbər verir ki, bu barədə Türkiyənin Xarici İşlər naziri Mövlud Çavuşoğlu parlamentdə çıxışı zamanı deyib.

“Hazırkı vəziyyətdə bizim qətiyyətimizi heç bir sanksiya və ya hədə-qorxu poza bilməz. Donald Tramp özünə yönələn təzyiq səbəbindən bizə qarşı bəzi addımlar atır. Bu sanksiyalara müvafiq cavab verəcəyik”, - deyə nazir bildirib.

O, Amerika rəhbərliyinin siyasətini “birtərəfli və Türkiyənin prinsipiallığını dəyişməyə qadir olmayan” addım adlandırıb.

“Əgər milli təhlükəsizlik gündəlikdə durursa, qalan məsələlər xırdalıqlardır”, - deyə Mövlud Çavuşoğlu qeyd edib.

Xatırladaq ki, oktyabrın 9-da Türkiyə Prezidenti Rəcəb Tayyib Ərdoğan Suriyanın şimalında kürd separatçılarından təmizlənmiş bufer zonasının yaradılması üçün “Sülhün mənbəyi” əməliyyatının başladığını elan edib. Həmçinin Ankara bu ərazilərdə suriyalı qaçqınları yerləşdirmək fikrindədir.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.