ELM VƏ TƏHSİL


Müasir xilasedicilər üçün “ağıllı gödəkcə” hazırlanıb

Bakı, 5 mart, AZƏRTAC 

“Nokia” şirkəti Koreya Respublikasının “Kolon” geyim şirkəti ilə birgə İspaniyanın Barselona şəhərində mobil sənayenin ən böyük sərgisi olan “Mobile World Congress 2018”də xilasedicilər və polislər üçün hazırladığı “ağıllı gödəkcə”ni təqdim edib.

AZƏRTAC “techcult.ru” saytına istinadla xəbər verir ki, “CHASE Life Tech FR” zahirən polis və yanğınsöndürənlərin parlaq gödəkcələrinə bənzəyir. Əsas fərq onun ürək döyüntüsünün tezliyini və bədən temperaturunu qeydə alan modulyar sensorlar, GPS və akselerometrlə təchiz edilməsindədir. Onların əvəzinə konkret vəziyyətdə lazım olacaq sensorlar (məsələn, dəm qazı sensorları) quraşdırmaq mümkündür.

Gödəkcə vasitəsilə əldə olunan məlumatlar baza stansiyasına ötürülür ki, burada idarəetmə bloku onları real vaxt rejimində təhlil edir. Bu, xüsusilə polis və ya yanğınsöndürənin qəza vəziyyətində əlaqə qura bilməməsi zamanı kömək edə bilər.

Gözəl dizayna malik olan “CHASE Life Tech FR” gödəkcəsi hər kəs tərəfindən qəbul edilən dünya brendlərindən heç də geri qalmır. Bundan başqa, gödəkcənin hissələri müəyyən praktik funksiyaları yerinə yetirir. Məsələn, parça keçiricilik qabiliyyətinə malikdir, GORE-TEX materialından hazırlanmış 3M-detallar isə yağış və qar suyunu keçirmir. Bütün sensorları çıxarmaq mümkündür ki, bu da gödəkcəni asanlıqla yumağa imkan verir. “Nokia” və “Kolon” şirkətləri adi vətəndaşlar üçün də belə gödəkcələr hazırlamağı planlaşdırır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.