Bakı, 6 iyun, AZƏRTAC

Əgər müəllimlərin işə qəbulu imtahanında hər iki namizəd eyni balı toplayıbsa, fərqlənmə diplomu olan namizədə üstünlük verilir.

AZƏRTAC xəbər verir ki, bunu Təhsil İnstitutunun İnsan resursları mərkəzinin direktoru Nurlan İsmayılbəyli media nümayəndələri ilə keçirilən görüşdə deyib.

Onun sözlərinə görə, bu məsələ qaydalarda nəzərdə tutulub. Bildirib ki, müsabiqə hər bir namizəd üçün bərabər imkanlar verir.