ELM VƏ TƏHSİL


Müəllimlərin işə qəbulu müsabiqəsində iştirak edəcək namizədlər üçün sınaq imtahanları başlanır

Bakı, 2 iyun, AZƏRTAC

Müəllimlərin işə qəbulu müsabiqəsində və sertifikasiya imtahanında iştirak edəcək namizədlər üçün sınaq imtahanları başlanır.

Bu barədə AZƏRTAC-a Təhsil İnstitutundan bildirilib. Onlayn formatda təşkil olunacaq sınaq imtahanları ibtidai təhsil (8 iyun / 09:00, 12:00, 16:00), riyaziyyat (9 iyun / 09:00, 12:00, 16:00), Azərbaycan dili və ədəbiyyat (10 iyun / 09:00, 12:00, 16:00), ingilis dili (11 iyun / 09:00, 12:00, 16:00), tarix (16 iyun / 09:00, 12:00, 16:00), fizika (16 iyun / 09:00, 12:00, 16:00), biologiya (17 iyun / 09:00, 12:00, 16:00), coğrafiya (17 iyun / 09:00, 12:00, 16:00), informatika (18 iyun / 09:00, 12:00, 16:00) və kimya (18 iyun / 09:00, 12:00, 16:00) fənləri üzrə keçiriləcək.

Aşağıda qeyd olunan linkdə qeydiyyatdan keçərək sınaq imtahanlarında iştirak etmək olar: https://ttm.edu.az/

Sınaq imtahanlarının 1-ci mərhələsi üçün qeydiyyat iyunun 6-sı saat 23:59-da başa çatacaq. İmtahanların 2-ci mərhələsi üçün qeydiyyat isə iyunun 7-də başlayıb iyunun 17-si saat 23:59-da bitəcək. Sınaq imtahanlarının məzmunu və təşkili ilə bağlı suallar üçün 012 430 57 79 və 012 430 90 81 nömrələri ilə əlaqə saxlamaq olar. Çağrı mərkəzi həftənin bazar ertəsindən cümə gününədək saat 09:00-dan 18:00-a qədər fəaliyyət göstərir.

Qeydiyyat və texniki problemlərlə əlaqəli suallar üçün 070 861 39 72, 055 656 13 95, 050 671 93 19 nömrələri ilə əlaqə saxlamaq mümkündür. Çağrı mərkəzi həftənin bazar ertəsindən cümə gününədək saat 09:00-dan 18:00-a, şənbə günü 09:00-dan 14:00-a qədər fəaliyyət göstərir.

Qeyd edək ki, sınaq imtahanlarında iştirak könüllüdür və iştirak haqqı 14 AZN-dir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.