MƏDƏNİYYƏT
Muğam Mərkəzində Amerikanın məşhur Nyu-Orleanz cazı səslənəcək
Bakı, 12 may, AZƏRTAC
Amerikanın Luiziana Caz Ansamblı Bakıya qastrol səfəri zamanı mayın 24-də Beynəlxalq Muğam Mərkəzində konsertlə çıxış edəcək. Səkkiz nəfərlik caz qrupunun Bakıya səfəri “ADA” Universitetinin dəvəti ilə baş tutacaq.
Musiqisevərlər Luiziana Caz Ansamblının Beynəlxalq Muğam Mərkəzində keçiriləcək konsertə biletləri şəhərimizin kassalarında və iticket.az saytında əldə edə bilərlər.
Ansamblın daha bir ifası mayın 26-da - “ADA” Universitetinin “Məzun günü”ndə olacaq. Luiziana Caz Ansamblının təsisçi üzvü, Con Hopkins Universitetinin professoru, siyasi elmlər üzrə tanınmış alim Frederik Starr “ADA” Universitetinin fəxri doktorudur.
Qeyd edək ki, ansambl XX əsrin əvvəlində məhz Luiziana ştatının Nyu-Orleanz şəhərində yaranan və Amerikanın milli musiqisi hesab edilən caz repertuarını ifa edəcək. Nyu-Orleanz cazı musiqidə ilk qrup improvizasiya ifası olaraq tanınır. Yüz il üstündən keçsə də bu musiqi və onun məşhur truba, klarnet və trombon polifoniyası bu gün də bütün dünyada sevilərək dinlənilir.
1950-ci illərdən bəri Nyu-Orleanz cazını ifa edən ansambl hətta Sovet İttifaqı zamanı Moskvada qastrol səfərində olub. Etno-caz cərəyanlarından birinin vətəni olan Bakıya isə ifaçılar ilk dəfə gəlirlər.
MÜƏLLİFLƏ ƏLAQƏ
Bölmənin digər xəbərləri
- 24.04.2024 [18:14]
Xarəzmli Şairə Şəmsin “Gözlərindəki bahar” poetik tablosu
- 24.04.2024 [14:55]
Daşkənddə “Qılınc və qələm” romanının özbək dilində nəşrinin təqdimatı olub
- 24.04.2024 [12:46]
Al Paçino və Den Stivens “The Ritual” filmində əsas rolları canlandıracaqlar
- 24.04.2024 [11:59]
Musiqili Teatr özbək yazıçısının komediyasını təqdim edəcək
- 24.04.2024 [11:31]
İsveç səfiri “Avroviziya-2024” təmsilçilərimizlə görüşüb
- 24.04.2024 [09:37]
Bakıda Qırğız kino günlərinin açılışı olub
- 24.04.2024 [08:00]