MƏDƏNİYYƏT


“Muğamat var olan yerdə” televiziya layihəsinə start verilir

Bakı, 21 avqust, AZƏRTAC

Azərbaycan Televiziyası və "Mədəniyyət" kanalının təşkilatçılığı ilə “Muğamat var olan yerdə” televiziya layihəsinə start verilir.

AZƏRTAC xəbər verir ki, layihə Azərbaycan Mədəniyyət və Turizm Nazirliyinin dəstəyi, Beynəlxalq Muğam Mərkəzi və Bakı Şəhər Mədəniyyət və Turizm Baş İdarəsi ilə birgə həyata keçirilir.

Dövlətimiz tərəfindən son illərdə milli musiqiyə, muğam sənətinə olan diqqət və qayğı əvəzsizdir. Təsadüfi deyil ki, Azərbaycan muğamı UNESCO–nun Bəşəriyyətin Qeyri–Maddi Mədəni İrs üzrə Reprezentativ Siyahısına daxil edilib.

Layihədə məqsəd Bakıda və şəhərətrafı ərazilərdə yaşayan sakinlərə, eləcə də televiziya tamaşaçılarına milli musiqi incilərimizi təqdim etməkdir. “Muğamat var olan yerdə” televiziya layihəsinin ilk buraxılışı avqustun 23-də Mərdəkan Mədəniyyət Sarayında reallaşdırılacaq.

Layihədə Rasim Ələsgərlinin rəhbərliyi ilə “Şirvan” folklor ansamblı, “Muğam” Televiziya Müsabiqəsinin qalibləri və laureatları - Abgül Mirzəliyev, Səbinə Ərəbli, Kamilə Nəbiyeva, Məmməd Nəcəfov, Nigar Şabanova, Sərxan Bünyadzadə, Ramiq Bayramov, Nisbət Sədrayeva, Almaxanım Əhmədli, Pərviz Qasımov, Rəvanə Əmiraslanlı iştirak edəcəklər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.