ELM VƏ TƏHSİL


Mühafizəçi ixtisası üzrə qısamüddətli təlimlərə ərizə qəbulu davam edir

Bakı, 8 dekabr, AZƏRTAC

Peşə Təhsili üzrə Dövlət Agentliyinin dəstəyi, “GESCO” ASC və Turizm və Sosial Xidmətlər üzrə Bakı Dövlət Peşə Təhsil Mərkəzinin birgə əməkdaşlığı çərçivəsində mühafizəçi ixtisası üzrə qısamüddətli təlimlərə müraciətlərin qəbulu davam edir.

Agentlikdən AZƏRTAC-a bildirilib ki, təlimlərdə iştirak üçün ərizələrin qəbulu dekabrın 30-dək davam edəcək. Müraciətlər elektron ərizə forması üzərindən qəbul ediləcək.

Təlimlərə 20 yaşdan yuxarı Azərbaycan Respublikasının vətəndaşları müraciət edə bilərlər. Müraciət edən şəxslərin minimum orta təhsilli və hərbi xidmətdə olması zəruridir (qadınlar istisna olmaqla). Təlim iştirakçıları bir ay yarım müddətində qanunvericilik, tibbi, psixoloji, xüsusi və texniki hazırlıq və yanğınsöndürmənin əsasları üzrə intensiv dərslərə cəlb ediləcəklər.

Turizm və Sosial Xidmətlər üzrə Bakı Dövlət Peşə Təhsil Mərkəzinin nəzdində fəaliyyət göstərən Bakı Mühafizə Məktəbində təşkil ediləcək təlimi müvəffəqiyyətlə bitirən şəxslər dövlət nümunəli sertifikat əldə edəcək və “GESCO” ASC tərəfindən işlə təmin olunacaqlar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.