MƏDƏNİYYƏT
“Müharibənin ana və uşaqları” 32 tablo vasitəsilə təqdim olunur VİDEO
Ankara, 22 yanvar, AZƏRTAC
Ankarada açılan “Müharibənin ana və uşaqları” adlı fərdi rəsm sərgisini 20 Yanvar faciəsi qurbanlarının xatirəsinə ithaf etmişəm.
Bu sözləri AZƏRTAC-ın xüsusi müxbirinə qardaş ölkədə yaşayan və fəaliyyət göstərən tanınmış azərbaycanlı rəssam Məhəmməd Əliyev söyləyib. Sərgiyə bir il ərzində hazırlaşdığını bildirən rəssam əminliklə vurğulayıb ki, fevralın 15-dək nümayiş olunan 32 əsərin hər biri ziyarətçilər tərəfindən maraqla qarşılanacaq.
Qeyd edək ki, rəssam Məhəmməd Əliyevin Türkiyə və başqa ölkələrdə çox sayda fərdi sərgisi təşkil olunub. Vətənə sevgi, Azərbaycanın gözəlliyi, tarixi həqiqətlər onun fırça yaradıcılığında əsas mövzudur.
Sabir Şahtaxtı
AZƏRTAC-ın xüsusi müxbiri
Ankara