MƏDƏNİYYƏT


Murad Kajlayevin məktəbində balet bölməsinin təntənəli açılışı keçirilib

Moskva, 14 fevral, AZƏRTAC

Həmyerlimiz, dağıstanlı bəstəkar, dirijor, SSRİ xalq artisti, Azərbaycanın “Dostluq” ordeninin laureatı Murad Kajlayevin xüsusi istedadlı uşaqlar üçün incəsənət məktəbində balet bölməsinin təntənəli açılışı olub.

Dərbənd şəhəri Azərbaycanlıların Milli-Mədəni Muxtariyyətinin sədri Telman Tahirli AZƏRTAC-a bildirib ki, Mahaçqalada balet bölməsinin təntənəli açılış mərasimi keçirilib.

Əlamətdar hadisə ilə əlaqədar məktəbi təbrik etmək üçün açılışda fəxri qonaqlar – Azərbaycan Dövlət Rəqs Ansamblının bədii rəhbəri Rüfət Xəlilzadə, Rusiya Federasiyasının Prezidenti yanında Dağıstan Respublikasının daimi nümayəndəsinin müavini Hacımurad Kajlayev, Rusiya Federasiyasının Prezidenti yanında Dağıstan Respublikasının daimi nümayəndəsinin birinci müavini Həmzət Həmzətov, Həştərxan Dövlət Konservatoriyasının professoru Lyudmila Kruqlova, Dağıstanın Mədəniyyət naziri Zarema Butayeva, Azərbaycan diasporunun nümayəndələri və digərləri iştirak ediblər.

Xüsusi istedadlı uşaqlar üçün incəsənət məktəbinin xoreoqrafiya bölməsinin zalına görkəmli xoreoqraf, rus baletinin peşəkarı Oleq Vinoqradovun adı verilib.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.