SİYASƏT
Murmansk Dövlət Universal Elmi Kitabxanasında Azərbaycan ədəbiyyatı gecəsi keçiriləcəkdir
Bakı, 18 yanvar (AZƏRTAC). Murmansk Dövlət Universal Elmi Kitabxanasında Azərbaycan ədəbiyyatı gecəsi keçiriləcəkdir. Hazırda xarici ədəbiyyat şöbəsində Azərbaycan yazıçılarının onlarca əsəri təqdim olunmuşdur. Bu siyahı Heydər Əliyev Fondu və Azərbaycanın Sankt-Peterburqdakı baş konsulluğu tərəfindən təqdim olunmuş kitablarla genişlənmişdir.
Yanvarın 24-də keçiriləcək tədbirə görə, Rusiyanın Azərbaycanlı Gənclər Təşkilatının Murmansk vilayət bölməsinin sədri Emin Seyfili, Rusiya və Azərbaycan jurnalistlər ittifaqlarının üzvü Əli Məmmədhüseynoğlu, Murmansk İctimai Palatasının üzvü Afil Hüseynov və Azərbaycan diasporunun digər fəalları məsuldurlar.