MƏDƏNİYYƏT


Murmanskda milli mədəniyyətlər festivalı keçirilib

Bakı, 5 noyabr, AZƏRTAC

Murmanskda Xalq Birliyi Gününə həsr edilmiş “Kola Zapolyaryesinin bayrağında milli naxışlar” adlı milli mədəniyyətlər festivalı keçirilib.

Murmanskdakı “Azərbaycan” milli-mədəni muxtariyyətinin və Rusiyanın Azərbaycanlı Gənclər Birliyinin (RAGB) yerli nümayəndəliyinin mətbuat katibi Əlihüseyn Şükürov AZƏRTAC-a bildirib ki, tədbir xalq mədəniyyətinin qorunub saxlanması, inkişafı və təbliğ edilməsi, vilayətin ərazisində yaşayan xalqlar arasında dostluğun və mədəni əlaqələrin genişləndirilməsi, etnoslararası və millətlərarası ünsiyyətin möhkəmlədilməsi məqsədilə təşkil edilir.

Festivalda milli mədəni birliklər və etnomədəniyyət istiqamətlərini təmsil edən qruplar, ənənəvi xalq mədəniyyətinin qorunub saxlanılması ilə məşğul olan milli-mədəni birliklərin kollektivləri, həmçinin Murmansk vilayətində yaşayan milli diasporların nümayəndələri iştirak ediblər.

Qeyd edək ki, tədbirdə Murmansk vilayətindəki “Azərbaycan” milli-mədəni muxtariyyətinin və RAGB-in yerli nümayəndəliyinin fəal üzvləri olan həmyerlilərimiz də iştirak ediblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.