“Murov” komandası MOİK-ə, “Neftçi” isə “Xarı bülbül”ə qalib gəlib

Bakı, 7 fevral, AZƏRTAC

Bu gün kişi voleybolçular arasında Azərbaycan çempionatında beşinci turun oyunları keçirilib.

AZƏRTAC xəbər verir ki, Voleybol Mərkəzində təşkil olunan oyunlarda əvvəlcə “Murov” və MOİK komandaları üz-üzə gəliblər. Turnir cədvəlinin lideri “Murov” gərgin idman mübarizəsi şəraitində keçən görüşdən qalib ayrılıb – 3:2.

Günün digər oyununda “Xarı bülbül” komandası “Neftçi” ilə qarşılaşıb. Görüşdə “Neftçi” 3:1 hesablı qələbə qazanıb.

Hesabında 14 xal olan “Murov” turnir cədvəlində liderliyini möhkəmləndirib. “Xarı bülbül” doqquz xalla ikinci, “Neftçi” isə üç xalla üçüncüdür. MOİK hələ xal qazana bilməyib.