REGİONLAR


Müsabiqədən uğurla keçən 100-ə yaxın müəllim Quba məktəblərində fəaliyyətə başlayıb

Rayonda daha çox kimya, biologiya, riyaziyyat və fizika müəllimlərinə ehtiyac var

Quba, 12 sentyabr, Elxan Yusifli, AZƏRTAC

2018-2019-cu tədris ili üçün müəllimlərin işə qəbulu üzrə müsabiqədən uğurla keçən 100-ə yaxın müəllim Quba rayonunun məktəblərinə təyinat alıb. Otuza yaxın müəllim isə yerdəyişmə əsasında rayonun təhsil ocaqlarında çalışacaq. Müddətli müqavilə ilə işə götürülən pedaqoqların sayı isə 30 nəfərdir.

Quba Rayon Təhsil Şöbəsindən AZƏRTAC-ın bölgə müxbirinə bildirilib ki, yeni dərs ili üçün ümumi təhsil müəssisələrinə müəllimlərin işə qəbulu müsabiqəsinə 200-ə yaxın vakant yer təqdim edilib. Müsabiqənin ilkin mərhələsində rayon üzrə pedaqoqlara olan tələbatın 80 faizi ödənib. Rayonda daha çox kimya, biologiya, riyaziyyat və fizika müəllimlərinə ehtiyac var. Çatışmazlığın tam təmin olunmamasının əsas səbəbi isə rayon ərazisinin əsasən dağlıq olması, kəndlərin mərkəzdən uzaqda yerləşməsidir.

Rayon məktəblərində fəaliyyətə başlayan yeni müəllimlər arasında gənclər üstünlük təşkil edir. Hazırda Quba rayonunun təhsil ocaqlarında 3 mindən artıq pedaqoq şagirdlərə elmin sirlərini öyrədir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.