MƏDƏNİYYƏT


“Music of Karabakh colors” adlı xeyriyyə konserti keçirilib

Bakı, 28 iyun, AZƏRTAC

Azərbaycan Dövlət Akademik Filarmoniyasında “Music of Karabakh colors” adlı layihə təşkil olunub. Layihənin müəllifi "Simurq" festivalının art-direktoru, bir sıra beynəlxalq, eləcə də respublika müsabiqələri laureatı, istedadlı pianoçu və rəssam Səidə Tağızadədir.

AZƏRTAC xəbər verir ki, konsertdən əldə olunan vəsaitin bir hissəsinin "YAŞAT" Fonduna köçürülməsi nəzərdə tutulub. İki hissədən ibarət olan konsertin birinci hissəsində Azərbaycan bəstəkarlarının "Qarabağ" və "4 fəsil" mövzusunda kamera əsərləri səslənib. Konsertdə diqqəti çəkən məqam isə hər musiqi əsərinin obraz xəttinə tam cavab verən müəllifin hazırladığı videoçarxlar olub. İkinci hissədə isə həm şagirdlərin, həm də professional rəssamların əl işlərindən ibarət sərgi nümayiş olunub.

Qeyd edək ki, xeyriyyə konsertində Bakı Şəhər Mədəniyyət Baş İdarəsinin Fikrət Əmirov adına 6 nömrəli onbirillik incəsənət məktəbi də iştirak edib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.