MƏDƏNİYYƏT


Musiqili Teatrın əməkdaşları növbəti beynəlxalq onlayn konfransa qatılacaq

Bakı, 4 iyun, AZƏRTAC 

Azərbaycan Dövlət Akademik Musiqili Teatrın direktoru, Əməkdar incəsənət xadimi Əliqismət Lalayev və teatrın əməkdaşı, teatr tənqidçisi Emin Əliyev iyunun 10-dan 12-dək Avropa Teatr Konvensiyasının (ETC) təşkil etdiyi beynəlxalq onlayn konfransa qatılacaq.

Teatrın mətbuat xidmətindən AZƏRTAC-a bildirilib ki, sənət ocağının əməkdaşları bu ilin fevral ayında Avstriyanın Qraz şəhərində keçiriləcək “Yeni yazılar” adlı beynəlxalq konfransa da dəvət almışdılar, lakin pandemiya səbəbindən konfrans təxirə salındığına üçün gələn ilə keçirildi.

Konfransın proqramında yeni üzvlər və qonaqlarla tanışlıq, sənət mübadiləsi, panel müzakirəsi, vebinar və beynəlxalq əlaqələrin genişləndirilməsi istiqamətində bir sıra görüşlər nəzərdə tutulub.

Qeyd edək ki, Avropa Teatr Konvensiyası Avropanın ən böyük teatr təşkilatlarından biridir və keçirdiyi bir sıra tədbirlərlə yanaşı, ildə iki dəfə genişmiqyaslı elmi konfrans təşkil edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.