SİYASƏT


Muxtar Tleuberdi: Qazaxıstan Azərbaycanla əməkdaşlığa böyük önəm verir

Bakı, 21 iyun, AZƏRTAC

Qazaxıstan Azərbaycanla əməkdaşlığa böyük önəm verir. Ölkələrimiz din, dil, adət-ənənələrə və tarixi köklərinə hörə bir-birinə çox yaxındırlar. Qazaxıstan dövləti Azərbaycanla qarşılıqlı faydalı əməkdaşlığı yüksək qiymətləndirir.

AZƏRTAC xəbər verir ki, bu fikirləri Qazaxıstan Respublikasının Baş nazirinin müavini, xarici işlər naziri Muxtar Tleuberdi iyunun 21-də azərbaycanlı həmkarı Ceyhun Bayramovla görüşdən sonra keçirilən mətbuat konfransında ifadə edib.

Azərbaycanın 44 günlük Vətən müharibəsində Zəfər qazanmasından ölkəsinin məmnunluğunu bildirən Muxtar Tleuberdi qeyd edib ki, üçtərəfli Bəyanat regionda sabitliyin təmin olunmasında mühüm rol oynayır. Zəngəzur dəhlizinin əhəmiyyətindən danışan nazir bildirib ki, bu dəhlizin açılması ölkələrimiz arasında yeni imkanlar yaradacaq.

“Azərbaycan geosiyasi reallıq yaradıb. Ölkəniz demokratik və modern inkişaf yolu ilə inkişaf edir. Azərbaycan Qazaxıstanın Cənubi Qafqazda əsas tərəfdaşlarından biridir. İqtisadi diplomatiyanı inkişaf etdirməyə hazırıq. Vaksin pasportlarının tanınması, birbaşa aviareyslərin açılması müzakirə mövzusudur. Eyni zamanda, mədəniyyət, elm, turizm və digər sahələrdə layihələrimizi davam etdirəcəyik. Ölkələrimiz arasında faydalı əməkdaşlıq sistemi qurulub və biz bu əməkdaşlığı daha yüksək səviyyədə inkişaf etdirəcəyik”, - deyə nazir vurğulayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.