ELM VƏ TƏHSİL


Muzeydə “Art Show” adlı rəsm sərgisi açılıb

Bakı, 11 may, AZƏRTAC

Mayın 11-də Azərbaycan Milli Elmlər Akademiyasının Milli Azərbaycan Tarixi Muzeyində “ART Show” adlı rəsm sərgisinin açılışı olub.

AZƏRTAC xəbər verir ki, açılış mərasimində muzeyin direktoru, akademik Nailə Vəlixanlı tədbirin əhəmiyyətindən danışıb.

Qeyd olunub ki, sərginin təşkili azyaşlı uşaqların dünyagörüşünün inkişafında, onların istedad və bacarıqlarının aşkara çıxarılmasında xüsusi rol oynayır.

Sonra müvafiq layihə və sərgi barədə məlumat verilib. Bildirilib ki, muzeyin elmi işçisi Ləman Musayevanın rəhbərliyi ilə “İstək” liseyinin rəsm dərnəyində “ART istedad” layihəsi reallaşdırılıb. Layihənin məqsədi dərnək üzvlərinin Azərbaycan tarixinə maraqlarını artırmaq, onlara maddi və mənəvi irsimizin qorunmasının vacibliyini aşılamaq olub.

Layihə çərçivəsində keçirilən tədbirdə “İstək” liseyi şagirdləri tərəfindən hazırlanmış və tariximizin ayrı-ayrı dövrlərinə həsr olunan əl işləri, həmçinin müxtəlif səhnəciklər təqdim edilib, musiqi və rəqslər ifa olunub.

Mövzular üzrə ən yaxşı əl işlərinin müəlliflərinə təşəkkürnamə və muzeyin kataloqları hədiyyə edilib.

Sərgi mayın 15-dək davam edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.