ELM VƏ TƏHSİL


“Muzeyin SABAH-ı” layihəsi çərçivəsində tədbir keçiriləcək

Bakı, 13 may, AZƏRTAC

AMEA-nın Milli Azərbaycan Tarixi Muzeyində mayın 18-də Beynəlxalq Muzeylər Gününə həsr olunan “Muzeyin SABAH-ı” layihəsi çərçivəsində tədbir keçiriləcək.

Muzeydən AZƏRTAC-a bildirilib ki, layihənin iştirakçıları Azərbaycan Dövlət Rəssamlıq Akademiyasının “SABAH” qruplarının təhsildə göstəriciləri ilə fərqlənən tələbələridir.

Layihənin məqsədi tələbələrin muzeyin kolleksiyası və binanın möhtəşəm interyerindən ilhamlanaraq öz potensiallarını nümayiş etdirmələri üçün şərait yaratmaq, onların mənəvi zövqünün formalaşmasında önəmli rol oynamaq və muzeyin yaradıcı gənclərlə (icma ilə) əməkdaşlığını genişləndirməkdir.

İştirakçılar həmin gün muzeyin müəyyən olunmuş zallarında ixtisaslarına uyğun olaraq təsviri incəsənət sahələri üzrə əl işlərini hazırlayacaqlar. Beləliklə, muzeyin ziyarətçiləri yaradıcılıq prosesini əvvəldən sona qədər izləyə biləcəklər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.