“NƏRİMAN NƏRİMANOV ÖMRÜNÜN SON İLLƏRİ” KİTABININ TƏQDİMAT MƏRASİMİ OLMUŞDUR
AzerTAg.az
Filologiya elmləri doktoru, professor, Milli Məclisin deputatı Şamil Qurbanovun “Nəriman Nərimanov ömrünün son illəri” kitabı işıq üzü görmüşdür.
Azərbaycanın unudulmuş, qəsdən kölgədə saxlanılan görkəmli adamlarının üzə çıxarılmasında, yenidən öz xalqına tanıdılmasında ədəbiyyatşünas alim Şamil Qurbanovun əməyi böyükdür. Müəllifin “Nəriman Nərimanov ömrünün son illəri” kitabına gəlincə, xalqımızın görkəmli siyasi xadimi, ədibi, maarifçisi, millətinin gələcəyini işıqlı görmək istəyən Nəriman Nərimanovun əvəzsiz xidmətlərinin geniş kütləyə doğru-düzgün çatdırılmasında böyük əhəmiyyəti vardır.
Kitabda Leninə, Stalinə, Orconikidzeyə və başqa şəxslərə yazdığı məktubların verilməsi Nəriman Nərimanovun mübarizliyini, böyüklüyünü, vətəndaşlığını olduqca aydın şəkildə göstərir. Əsərə daxil edilmiş əlavələr Nərimanovun ömrünün sonlarında apardığı mübarizənin nə qədər ciddi olduğunu oxucuların gözləri qarşısında canlandırır.
Kitabda “Nərman Nərimanovun son vuruşu və qəti qələbəsi”, “Atatürk və Nərimanov”, “Nəriman Nərimanov və Məmmədəmin Rəsulzadə”, “Heydər Əliyev və Nəriman Nərimanov” kimi bölmələr oxucular tərəfindən maraqla qarşılanacaqdır.
Xəbərin mətnində orfoqrafik səhv var
