Müdafiə Nazirliyi Mülki Müdafiə İdarəsinin nümayəndələri Rumıniyada keçirilən “Fövqəladə halların aradan qaldırılması”na dair beynəlxalq təlimdə iştirak etmişlər.

Nazirliyin mətbuat xidmətindən müxbirimizə bildirmişlər ki, NATO-nun “Sülh naminə tərəfdaşlıq” proqramı çərçivəsində keçirilən tədbirdə hərbçilərimizin fəaliyyəti yüksək qiymətləndirilmiş, onlar bu beynəlxalq təşkilatın Komandanlığının təşəkkürnaməsi və xatirə medalı ilə təltif olunmuşlar. Xilasedicilərimiz noyabrın əvvəlində Brüsseldə keçiriləcək NATO-nun Ali Mülki Planlaşdırma Komitəsinin sessiyasına da dəvət almışlar.