DÜNYA


NATO gəmiləri təlim üçün Tallinn körfəzinə gəlib

Tallinn, 22 oktyabr, AZƏRTAC

Estoniyanın Saaremaa adası yaxınlığında iki həftə ərzində dənizdə minaların axtarışını həyata keçirən və manevretmə üzrə təlimlərdə iştirak edən NATO-nun 1-ci Daimi Mina Əleyhinə Gəmi Qrupu bu il artıq ikinci dəfə olmaqla Estoniyaya gəlib.

AZƏRTAC yerli mətbuata istinadla xəbər verir ki, Estoniyaya gələn qrupun tərkibinə “LNS Jotvingis” qərargah gəmisi, Estoniyanın tral gəmisi “EML Admiral Cowan”, müttəfiq ölkələrin “LVNS Imanta”, “FGS Sulzbach Rosenberg”, “HNOMS Maloy”, “BNS Crocus” və “HNLMS Schiedam” gəmiləri daxildir.

Bildirilib ki, təlimlərdə əlavə dəstək Estoniyanın “EML Sakala” və “EML Ugandi” gəmiləri, həmçinin Estoniyanın “EML Wambola” qərargah dəstək gəmisi tərəfindən təmin olunur.

Xatırladaq ki, Estoniyanın Hərbi-dəniz donanmasının gəmiləri 10 ildən çoxdur ki, NATO-nun mina əleyhinə qrupunun fəaliyyətində iştirak edir.

Asiman Əsədov

AZƏRTAC-ın xüsusi müxbiri

Tallinn

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.