DÜNYA


NATO və Avropa İttifaqı Moldovanı yeni hərbi texnika ilə təchiz edəcək

Kişineu, 4 avqust, AZƏRTAC

2023-cü ildə Moldova NATO və Avropa İttifaqından yeni hərbi texnika alacaq.

AZƏRTAC xəbər verir ki, bunu Moldovanın müdafiə naziri Anatoli Nosatiy deyib.

Nazirin sözlərinə görə, Avropa İttifaqı Moldova ordusuna maddi-texniki təminat, mobillik, komanda-nəzarət, kibermüdafiə və digər sahələrdə potensialın gücləndirilməsi məqsədilə 40 milyon avro dəyərində hərbi texnikanın verilməsi barədə qərar qəbul edib.

Anatoli Nosatiy bildirib ki, hərbi texnikaları istehsal edən şirkətlərin mütəxəssisləri moldovalı hərbçilərə təlimlər keçəcəklər.

“Hələlik mən sizə bu mütəxəssislərin hansı ölkədən gələcəyini deyə bilmərəm, çünki qeyd etdiyiniz layihə təxminən 2023-cü ildə başlayacaq”, - deyə Nosatiy əlavə edib.

Nazir qeyd edib ki, hazırda avadanlıq istehsalçılarının seçimi prosesi gedir. İstehsal olunduqdan sonra hərbi texnika ölkəmizə gətiriləcək. Hər şey yeni olacaq və yalnız Moldova Respublikasına həsr olunmuş proqram üçün istehsal ediləcək.

 
Emil Hüseynli

AZƏRTAC-ın xüsusi müxbiri

Kişineu

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.