İQTİSADİYYAT


“NEQSOL Academy” – Azərbaycanda ilk çoxfunksionallı rəqəmsal təlim platforması istifadəyə verilib VİDEO

“NEQSOL Academy” – Azərbaycanda ilk çoxfunksionallı rəqəmsal təlim platforması istifadəyə verilib VİDEO

“NEQSOL Holding” tərkibində olan şirkətlərin əməkdaşlarının fərdi və peşəkar inkişafı üçün “NEQSOL Academy” adlı yeni çoxfunksionallı rəqəmsal təlim və ünsiyyət platformasını istifadəyə verib.

“NEQSOL Academy” hər zaman, hər yerdə qlobal öyrənmə imkanları ilə holdinqin tərkibindəki şirkətlərin əməkdaşlarının inkişafını dəstəkləmək üçün yaradılıb. Bu məqsədlə “Harvard Business School”, “MIT Sloan School”, “SkillSoft”, “RBL Institute”, ADA Universiteti və digər təhsil müəssisələri ilə əməkdaşlıq yaradılıb, onların proqramları platformaya əlavə edilib. Holdinqin 8 ölkədə fəaliyyət göstərən şirkətlərinin 10 minədək əməkdaşı vahid platformadan 6 dildə liderlik, idarəetmə, şəxsi inkişaf, funksional və digər mövzularda təlimlərdən yararlanacaq.

“Azərbaycanda və ətraf regionda ilk dəfə belə geniş imkanlara və xüsusiyyətlərə malik rəqəmsal təlim və inkişaf platforması istifadəyə verilib. Bu bizim holdinqdə insan kapitalının davamlı inkişafına verilən böyük önəmi bir daha əks etdirir”, - deyə “NEQSOL Holding”in Baş direktoru Yusif Cabbarov bildirib.

“Holdinqin müxtəlif ölkələrdə çalışan 10 minədək əməkdaşının fərdi və peşəkar inkişafında, eləcə də komanda ruhunun güclənməsində “NEQSOL Academy” önəmli rol oynayacaq. Biz bu platformanı davamlı olaraq genişləndirəcəyik. Əminəm ki, “NEQSOL Academy” “mükəmməlliyə doğru səyahət” missiyasını uğurla həyata keçirəcək”, - deyə “NEQSOL Holding”in insan kapitalı üzrə Baş direktoru Meriç Tunç qeyd edib.

“NEQSOL Academy”, həmçinin müxtəlif sənayeləri, mədəniyyətləri və ölkələri təmsil edən holdinqin əməkdaşları üçün sosial platforma vasitəsilə ünsiyyət qurmaq, bir-birindən öyrənmək və əlaqə saxlamaq üçün geniş imkanlar yaradır.

“NEQSOL Holding”in əsas fəaliyyət istiqamətlərinə neft-qaz, telekommunikasiya, yüksək texnologiyalar və tikinti sahələri aiddir. Holdinqin tərkibində olan şirkətlərin fəaliyyəti Böyük Britaniya, ABŞ, Türkiyə, Azərbaycan, Ukrayna, Gürcüstan, Qazaxıstan, Birləşmiş Ərəb Əmirlikləri və sair ölkələri əhatə edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.