Çox hörmətli Prezident! 

Sizi anadan olmağınızın 80 illiyi münasibətilə səmimi qəlbdən

təbrik edir, Sizə ulu Tanrıdan uzun ömür, möhkəm cansağlığı arzulamaqla,

xalqımızın rifahı və gələcəyi naminə apardığınız daxili və xarici

siyasətinizdə uğurlar diləyirik.

Sizin siyasətiniz sayəsində uzun müddətdir ki, atəşkəs şəraitində yaşayırıq, övladlarımızın qanı tökülmür. Ordu quruculuğu sahəsində görülən tədbirlər nəticəsində ölkəmizin müdafiə qabiliyyəti gündən-günə möhkəmlənir.

Vətən sərhəddən başlanır. Rayonumuzu qəsbkar Ermənistanla 123

kilometr sərhəd xətti ayırır. Xüsusən Şınıx bölgəsi düşmənlə üz-

üzədir. Elə kəndlərimiz var ki, ermənilərin hərbi postlarından 2-5 kilometr

məsafədədir. Lakin bu kəndlərdən nə köçən, nə də qaçan vardır. Əksinə,

quldur yuvası Başkənd ermənilərdən təmizlənmişdir. Elə həmin vaxt bizim

kəndlər quldurlar tərəfindən yandırılmış, biz isə məcburi köçkün

vəziyyətinə düşmüşük. Lakin vətən həsrəti, torpaq qayğısı bizi öz

rayonumuzda qalmağa məcbur etmişdir. Belə ki, kəndimizdən 20 kilometr

məsafədə məskunlaşaraq, Sizin qayğınız sayəsində kəndimizin bərpa

edilməsinə ümid bağladığımıza görə burada yaşamağı vacib saymışıq.

Möhtərəm Prezident!

Respublikamızın düçar olduğu bu bəla Sizin uzaqgörən və sülhsevər

siyasətiniz nəticəsində bütün dünyaya aşkar olmuşdur. Biz məcburi

köçkünlər əminik ki, işğal olunmuş torpaqlarımız Sizin apardığınız siyasət

nəticəsində azad ediləcək, bütün köçkün və qaçqınlarımız öz doğma

ocaqlarına qayıdacaqlar. O cümlədən biz – Mutudərə və Qasımağalı

köçkünləri də öz doğma yurd-yuvamıza dönəcəyik. Bunları görmək

istəməyən nankor müxalifət qüvvələri Sizin səhhətinizlə əlaqədar müxtəlif

mətbu orqanlarında şayiələr yayır, xalqı çaşdırmağa çalışırlar.

Biz təkidlə tələb edirik ki, belə böhtan yazılar dərc edən bütün

mətbuat orqanlarına qarşı qanun çərçivəsində tədbir görülsün.

Bütün türk dünyasının görkəmli şəxsiyyəti olan Heydər Əliyev bizim

ümummilli liderimizdir. Biz, məcburi köçkünlər öz seçimimizi etmişik,

növbəti Prezident seçkilərində bizim yeganə namizədimiz Sizsiniz. Bu

seçkilərdə biz yalnız cənab Heydər Əliyevə səs verəcəyik.

Müraciəti Mutudərə və Qasımağalı kəndlərinin 317 nəfər sakini

imzalamışdır.