DÜNYA
NYU-YORK MƏHKƏMƏSİ MAFİYANI “YETİM” QOYDU
AZƏRTAC “Nyu-York Tayms” qəzetinin informasiya saytına istinadla xəbər verir ki, Nyu-York rayon məhkəməsi mafioz klanın güman edilən başçısı Qambino Piter Qottiyə 9 il 4 ay müddətinə həbs cəzası kəsmişdir.
İndi, nyu-yorkluların dediyi kimi, dünya şöhrətli kino aktyoru Stiven Siqal rahat yata və kinoya arxayın çəkilə bilər. Məsələ bundadır ki, Qambino, bir çoxları kimi, Siqala də hədə-qorxu gəlir, ondan da pul qoparmağa çalışırdı.
Qottinin vəkili hakimdən daha yüngül cəza kəsməyi xahiş etmişdir, çünki onun 64 yaşlı müştərisi, pensiyada olan dalandar ötən əsrin əvvəllərində Nyu-York sakinlərini vahimə içərisində saxlamış məşhur italiyalı mafiozlar nəslindən olduğuna görə klanın ancaq nominal başçısıdır. Üstəlik, onun əziyyət çəkmədiyi xəstəlik yoxdur, bir gözü də kordur. Buna baxmayaraq, hakim qərarından dönməmişdir və beləliklə, Qotti 70 illiyini dəmir barmaqlıqlar arxasında qeyd etməli olacaqdır.