REGİONLAR


Naftalanda Vətən müharibəsi şəhidləri anılıb, ağacəkmə aksiyası keçirilib

Naftalan, 27 sentyabr, Elcan Məmmədov, AZƏRTAC

27 sentyabr - Anım Günü ilə əlaqədar Naftalan şəhərində şəhər rəhbərliyi, hüquq mühafizə orqanlarının rəhbərləri, şəhid ailələri, qazilər və şəhər ictimaiyyətinin iştirakı ilə tədbir təşkil olunub.

AZƏRTAC-ın bölgə müxbiri xəbər verir ki, torpaqlarımızın azadlığı uğrunda canından keçən şəhidlərimizin adına ucaldılmış Memorial Kompleks ziyarət olunub, şəhidlərin ruhuna dualar oxunub, gül dəstələri düzülüb. Şəhər ərazisində şəhidlərin xatirəsinə həsr olunmuş ağacəkmə aksiyası keçirilib.

Sonra tədbir Heydər Əliyev Mərkəzində davam etdirilib. Şəhidlərin ruhu bir dəqiqəlik sükutla yad olunub.

Tədbirdə şəhər icra hakimiyyətinin başçısı Vüqar Novruzov, Səfərbərlik və Hərbi Xidmətə Çağırış üzrə Dövlət Xidmətinin Goranboy rayon şöbəsinin rəisi Abdin Rüstəmov və şəhid ailəsinin üzvü Zülfümar Nuriyeva çıxış ediblər.

Sonda “Dəmir yumruq” tarixi zəfəri sənədli filmi nümayiş olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.