“Narıncı” layihəsi cənubda

Lənkəran, 1 fevral, İlkin Adıyev, AZƏRTAC

Cənub gəncləri üçün “Narıncı” layihəsi rəsm müsabiqəsi keçirilib. Layihə Azərbaycan Gənclər Fondunun elan etdiyi “İdeyanı reallaşdır - 2022” qrant müsabiqəsinin qalibidir.

AZƏRTAC-ın bölgə müxbiri xəbər verir ki, “Zəfər tablosu” mövzusunda keçirilən layihədə cənub bölgəsində yaşayan gənc rəssamlar iştirak ediblər.

Çıxışlarda Gənclər Fondunun gənclər üçün yaratdığı imkanlardan söz açılıb, layihənin məqsədi haqqında ətraflı məlumat verilib.

Cənub bölgəsinin müxtəlif rayonlarından 44 gəncin iştirak etdiyi rəsm müsabiqəsində iştirakçıların çəkdiyi rəsmlər münsif heyəti tərəfindən qiymətləndirilib.

Qaliblərə kubok, diplom və hədiyyələr, digər iştirakçılara isə sertifikat, həmçinin hədiyyələr təqdim edilib.