CƏMİYYƏT


Narkomanlığa qarşı mübarizəyə dair Dövlət Proqramının icrası ilə bağlı tədbirlər keçiriləcək

Bakı, 18 noyabr, AZƏRTAC

Narkomanlığın qarşısının alınması ilə bağlı təbliğat və maarifləndirmə işlərinin gücləndirilməsi, davamlılığının təmin edilməsi, o cümlədən narkotik vasitələrin, psixotrop maddələrin fəsadları haqqında məlumatlılığın artırılması məqsədilə noyabrda bir sıra şəhər və rayonlarda silsilə tədbirlər təşkil olunacaq.

Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının işçi qrupundan AZƏRTAC-a bildiriblər ki, tədbirlər Prezident İlham Əliyevin 2019-cu il 22 iyul tarixli Sərəncamı ilə təsdiq edilmiş “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2019-2024-cü illər üçün Dövlət Proqramı”na müvafiq olaraq keçiriləcək.

Maarifləndirmə xarakterli tədbirlər Dövlət Komissiyasının İşçi Qrupu ilə Şəki, Quba, Qusar, Xaçmaz, Şabran, Siyəzən, İsmayıllı, Qəbələ, Zaqatala, Balakən şəhər və rayon icra hakimiyyətlərinin birgə təşkilatçılığı ilə baş tutacaq.

Eyni zamanda, tədbirlər çərçivəsində Dövlət Komissiyasının İşçi Qrupu tərəfindən hazırlanmış zəruri təbliğat materialları iştirakçılara paylanacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.