CƏMİYYƏT


Narkotik vasitə satmaqda şübhəli bilinən şəxs yaxalanıb

Bakı, 9 sentyabr, AZƏRTAC

Polis əməkdaşları narkotik vasitələrin qanunsuz dövriyyəsi ilə məşğul olan şəxslərin tutularaq məsuliyyətə cəlb olunmaları istiqamətində əməliyyat tədbirlərini davam etdirirlər.

Daxili İşlər Nazirliyinin mətbuat xidmətindən AZƏRTAC-a bildiriblər ki, narkotik vasitə ilə tutulmuş N.Əhmədovan ilə bağlı Səbail Rayon Polis İdarəsinin əməkdaşları tərəfindən aparılmış əməliyyat tədbirləri ilə ona narkotik maddəni satmaqda şübhəli bilinən Yeni Günəşli qəsəbəsində yaşayan X.Mustafayeva saxlanılıb.

Şəxsi axtarış zamanı ondan 8 qramdan çox, yaşadığı mənzildən isə 9 qramdan artıq marixuana aşkarlanaraq götürülüb.

Davam etdirilən tədbirlərlə X.Mustafayevaya narkotik vasitələri satmaqda şübhəli bilinən A.Sadıqov da müəyyənləşdirilərək yaxalanıb. Axtarış zamanı ondan 470 qramdan çox marixuana, yaşadığı mənzildən isə 24 qramdan artıq tiryək aşkarlanıb.

Faktla bağlı araşdırmalar davam etdirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.